Argia aldizkaria

Argia —1980 arte, Zeruko Argia— euskarazko aldizkari orokorra da, aktiboan dagoen zaharrena da. Historia luzea izan du aldizkari honek, bere gora-beherekin, eta hurrengo kronologian laburturik ikus dezakegu:

• 1919ko urtarrilaren 1ean Zeruko Argiaren lehenengo zenbakia atera zuten Iruñeko kaputxinoek.
• 1921eko apirilaren 24an Argiaren lehenengo zenbakia atera zuten Donostian, eta 1936ko uztailean lehendabiziko garaiaren azkena, 797garrena.
• 1963an Zeruko Argia aldizkariaren egoitza berria Donostian kokatu zuten, itxura aldatuz eta astekari bihurtuz. Urte honetan 1. zenbakia kontatzen hasi ziren.
• 1980an berreskuratu zuen gaur arte mantentzen duen Argia izena.
• 1988an lehenengo aldiz euskal hedabideen inguruko Argia Sariak banatu zituzten.
• 1997an Interneteko bertsioa sareratu zuten, Sareko Argia izenarekin.
• 2005ean 2000. zenbakia kaleratu zuten.
• 2007an Sareko Argiak 10 urte bete zituen.
• 2009an Argiak 90 urte bete zituen.

Hurrengo argazkian Argia aldizkariaren lehenengo alea dugu: